Presyo sang well-milled rice, nagsaka sa P47.55 kada kilo sa una nga semana sang Nobyembre

Nagsaka ang presyo sang well milled rice sa P47.55/kilo sa una nga semana sang Nobyembre 2025, mas mataas kun ipaanggid sa presyo sang Oktubre, suno sa Philippine Statistics Authority.

Mas manubo ini kun ipaanggid sa pareho nga panahon sang 2024.

Samtang, nagnubo ang presyo sang fresh pork meat with bones sa P315.63/kilo, halin sa P320.98 kag P323.58 sang Oktubre, apang mas mataas kun ipaanggid sa Nobyembre 2024.

Nagsaka man ang galunggong sa P241.71/kilo, samtang nagnubo ang presyo sang kamatis sa P104.65/kilo kag Hawaiian ginger sa P167.09/kilo kun ipaanggid sa tinalikdan nga bulan.

Padayon na ginabantayan sang Philippine Statistics Authority ang paghulag sang presyo sang mga nagapanguna nga balaklon.