Gindeklarar nga labing-una nga Miss World Philippines-Negros Island Region ang pambato sang Bacolod City nga si Cindy Valencia samtang ginkoronahan man bilang labing-una nga Miss Grand Philippines-Negros Island Region ang pambato sang Talisay City nga si Althea Gadingan.
Second Runner up sa Miss World Philippines-Negros Island Region ang pambato sang Valladolid nga isa ka miyembro sang Indigenous People nga si Jonalyn Diamena kag 1st runner up naman ang pambato sang Dauin Negros Oriental nga si Savannah Brinkman.
Una nga nakasulod sa Top 8 sang Miss World Philippines-Negros Island Region ang mga candidata nagikan sa Bacolod City; La Carlota City; La Castellana; Talisay City; Dauin; Valladolid; Siquijor; Cadiz City samtang ang nakasulod na Top 4 amo ang Talisay City, Bacolo City, Valladolid kag Dauin. Tuman ang pagpasalamat sang ginkoronahan nga Miss World Philippines-Negros Island Region matapos nga siya ang napilian nga magpauli sang korona.
Sa interview sang Bombo Radyo Bacolod kay Miss World Philippines-Negros Island Region Cindy Valencia nga kandidata sang Bacolod City, ginapasalamatan sini ang tanan nga nagsuporta kag nagsalig sa ikasarang sini nga magadaog bilang first ever Miss World Philippines-Negros Island Region.
Ginpasalamatan man sini ang komunidad nga gindala sini ang iya estorya para sa iya nga adbokasiya nga isa man sa nangin yabi agud nga mapauli sini ang korona.
Samtang wala man nagdahums si Althea Gadingan nga ginkoronahan bilang Miss Grand Philippine-Negros Island Region nga siya ang makakuha sang korona.
Sa interview kay Althea, ginpangamuyo sini nga ibutang siya sang Ginoo sa lugar nga para sa iya.
Suno kay Gandingan wala man ini nagdaog nga Miss Miss World Philippines-Negros Island Region apang mahimo para sa iya ang nakuha nga korona.
Bangud sini himuon niya ang tanan sini nga masarangan agud nga irepresentar ang Negros Island Region sa Miss Grand Philippines.
Ginpasalamatan sini ang tanan nga nagsalig kag nagbulig sa iya tubtob nga nakuha sini ang korona.
