Wala ginsapak sang Malacañang ang panawagan ni Vice President Sara Duterte nga magpaidalum sa drug test si President Ferdinand Marcos Jr.
Suno kay Palace Press Officer Atty Claire Castro, mangin si former President Rodrigo Duterte ang wala naghatag pagtamod sa kaangay nga hingyo sa iya sa sulod sang anum ka tuig sini nga pagpungko sa pwesto.
Dugang pa sini nga ginpahayag na sadto ni former Presidential spokesperson Harry Roque nga indi pwede nga manduan ang Presidente sang pungsod nga magpaidalum sa drug test.
Madumduman nga sang Agosto 2018, ginbasura ni Roque ang panawagan ni former Senator Antonio Trillanes IV nga magpaidalum si Duterte kag ang iya pamilya sa drug test, matapos gin-ako sang anay Presidente nga siya ang nagagamit sang marijuana agud magpabilin nga bugtaw apang iya man ini gilayon nga ginbawi.
