Ginpahayag sang Miss Universe Organization (MUO) nga lapit na ma-discharge si Miss Universe Jamaica 2025 Dr. Gabrielle Henry.
Madumduman nga gindala sa ospital si Miss Universe Jamaica matapos madagdag sa stage samtang nagarampa sa preliminary competition sang Miss Universe 2025.
Samtang, gin-post sa social media sang MUO sang Lunes nga ginatuman sini ang “strict discretion regarding specific details” sa medikal nga kahimtangan ni Miss Universe Jamaica bilang respeto sa kandidata kag sa iya nga pamilya.
Pahayag sang organisasyon nga ang mga butang nga may kaangtanan sa kahimtangan ni Henry ang dapat ipalab-ot depende sa desisyon sang iya nga pamilya ukon sa luyag mismo sag kandidata.
Gin-ako ni MUO President Raul Rocha nga sila ang may-ara gihapon sang kabudlayan makaligad sang apat ka adlaw sang magtakop ang Miss Universe 2025 pageant.
