Ginapanawagan sang Obispo sang ciudad sang Bacolod sa publiko nga mag-upod sa “Trillion Peso March” nga patigayunon sa Bacolod City subong nga adlaw Nobyembre 30, 2025.
Sa interview sang Bombo Radyo kay Bishop Patricio Buzon, ini nga pagtilipon ang magahatag sang oportunidad sa tanan para m akaagom sang hustisya kag tinutuyo sini nga mapabutyag ang tingog sang katawhan para sa kaayuhan sang pungsod.
Suno kay Bishop Buzon, sa pagsulbar sang problema sa pungsod indi lang obligasyon sa mga lideris kundi kabahin man ang mga pumuluyo kag nagpanawagan sa pag-isa sang tanan agud masulbar ang nagapadayon nga problema sang pungsod.
Sa katapusan, panugyan ni Bishop Buzon nga kuntani malinong kag matawhay ang pagtililipon sa “Trillion Peso March” para sa ikaayo sang pungsod.
