Gin-updan sang mga Filipino celebrities kag personalities ang Trillion Peso March sa EDSA People Power Monument.
Pila sa mga ini sanday 2018 Miss Universe Catriona Gray; Ben&Ben kag Pokwang.
Panawagan sang comediene actress sa mga lideres nga mahatagan sang pagtamod ang mga lubos nga nagakinahanglan ilabi na ang mga pumuluyo nga may gamay nga income kag ginapaigo nalang.
Dugang pa ni Pokwang kuntani mahatagan ang mga ini kun ano ang nagakadapat sa mga ini.
Ginhatagan man sini sang pagtamod ang pag-invest sang gobyerno sa edukasyon ilabi na sa mga public schools bilang tikang agud nga mahatagan sang seguridad ang masunod nga henerasyon.
Magluwas sa edukasyon nagpanawagan man si Pokwang sang safety sang publiko ilabi na sa tion sang kalamidad kag gin-highlight man sini ang maanomalya nga flood control projects.
