Patay ang miyembro sang Philippine National Police Maritime Group sa aksidente nga nagluntad sa atubang sang Angels Memorial Park, Guanzon St., Barangay 1, Kabankalan City, Negros Occidental.
Santo sa impormasyon nga nakuha sang Bombo Radyo Bacolod ang biktima ang ginkilala kay July Pataytay, 32 anyos kag residente sang Sitio Taumbong, Brgy. Puso, La Castellana, Negros Occidental.
Sa inisyal nga imbestigasyon nga ang vehicle 1 nga isa ka FOTON CLOSE VAN TRUCK with plate no. NEB3930 nga ginamaneho sang 28 anyos nga lalaki nga residente sang Brgy. Landayan, San Pedro, Laguna ang nakapark sa highway nga nakahazard apang wala sang early warning device.
Apang aksidente nga nabungguan sang motorsiklo nga Honda click 125 nga may plate No. 669FR nga ginamaneho sang biktima nga halin sa Kabankalan City proper nga magapadulong kuntani sa Sub-Station sang Maritime Police sa Brgy. Daan Banua, Kabankalan City ang rear left steel railing sang truck.
Bangud sa impact nahulog sa sementado nga dalan ang pulis kag gilayon man nga gindala sa Kabankalan District Hospital para sa pagbulong apang ini ang ginbawian sang kabuhi.
Narecover sa lugar sang insidente ang isa ka Girsan service firearm samtang ang motorsiklo kag truck ang yara na sa kustodiya sang Kabankalan City Police Station for proper disposition.
