Nagpatigayon sang search and rescue operation ang police, coast guard kag Royal Marines matapos nga nakapalagyo ang isa sa reindeer ni Santa halin sa isa ka Christmas event sa England sang Sabado, Nobyembre 29.
Suno sa Southport Offshore Rescue Trust ang reinder ang nagpalagyo halin sa isa ka event sa Formby.
Ginpangita sang Merseyside Police kaupod ang Lifeboat Team sang Rescue Trust, HM Coastguard Southport kag HM Coastguard Crosby ang reinder sa area apang nagab-ihan nalang wala sagihapon nila ini nakita.
Gilayon nga naggamit ang otoridad sang thermal binoculars agud nga ma-locate ang reindeer.
Suno sang mga otoridad, mabudlay dakpon ang sapat bangud madasig ini nga magdalagan apang sa ulihi nangin madinalag-on ang search and rescue bangud sa bulig sang police drone.
Nakita sa footage ang reindeer nga nagalakat-lakat sa dagat sang Liverpool’s Formby.
Gilayon man ini nga gin-rescue kag ginpa-check-up sa veterinarian bangud nadiskubrehan nga indi ini makalakat sang tadlong.
Samtang, ginhingadlan sang ortoridad ang nasambit nga reindeer nga si ‘Rudolph’.
