Patay ang 16 anyos nga angkas sang motorsiklo sa aksidente nga nagluntad sa Barangay Isio, Cauayan, Negros Occidental.
Ginkilala ang biktima nga si Alias John kag residente sang Sitio Panas-an, Barangay Isio, Cauayan samtang ang driver sang motorsiklo ang ginkilala kay alias Jerry, 25 anyos kag residente sang Sitio Tamaya-an sang nasambit nga lugar.
Santo sa imbestigasyon ang motorsiklo nga Kawasaki Barako II ang ginamaneho ni alias Jerry samtang nagaangkas naman si Alias John.
Nagabiyahe ang mga ini halin sa Barangay Poblacion padulong sa Barangay Isio.
Pag-abot sang duha sa lugar sang insidente aksidente sang mga ini nabungguan ang road sign kun sa diin natumba ang mga ini sa bahin sang isa ka panaderia.
Bangud sa impact nakaagom ang duha sang mga samad sa nagkalain-lain nga bahin sang ila nga lawas kag gindala man ang mga ini sa Cauayan District Hospital apang si Alias John ang gindeklarar nga Dead on Arrival samtang si Alias Jerry ang padayon nga ginadapatan sang pagbulong.
