Nakadepende sa lugar sa South Korea ang pagbatyag sang espirito sang paskwa.
Sa interview sang Bombo Radyo Bacolod kay Celestino Mercurio Jr., Bombo International News Correspondent sa South Korea, indi maayo mabatyagan sa lugar nga ginatiniran sini sa South Korea ang espirito sang paskwa.
Suno kay Mercurio, wala sang Christmas decorations sa mga dalan kag mga balay sa South Korea.
Indi man tanan ang nagaselebrar sang Christmas depende sa relihiyon nga ginasunod.
Ginpahayag man ni Mercurio nga ang calendar nga ginasunod sang Koreans ang Chinese calendar gani ang ginaselebrar sang mga ini Chinese New Year sa bulan sang Pebrero.
May mga pila ka malls man sa South Korea nga nagabutang sang mga Christmas decorations.
Wala man ang mga South Koreans nagahatag sang gifts sa bulan sang Disyembre apang kun Chinese New Year nagahatag ang mga ini sang cash kag gift packs.
Suno kay Mercurio lain ang paskwa sa South Korea kun ikumparar sa Pilipinas.
