Natumod nga dancer sang ciudad sang Canlaon sa Negros Oriental nga naanod sang baha sang maglaslas ang Bagyo TINO ang bangkay nga nasapwan sa Hacienda Salapid, Brgy Inolingan, Moises Padilla.
Ang biktima ang ginkilala nga si Angel Espora, 18 anyos, residente sang Brgy Panubigan, Canlaon City kag miyembro sang Salta Canlaon Dance Company.
Si Espora ang kabahin man sa nagperform sa Cathay International Chinese New Year Night Parade sa Hong Kong.
Sa interview sang Bombo Radyo Bacolod kay Moises Padilla Municipal Disaster Risk Reduction and Management Office Head Reynald Horegue, ang biktima ang nakilala sang iya pamilya bangod sa suksok sini nga puti nga tshirt kag short nga itom kag puti nga dotted.
Maduduman nga halos bungo kag kalabera na lamang ang biktima sang ini ang masapwan.
Ang lawas ang nakit-an sa hulungdon nga lugar, kag natabuan nga nalabayan sang persona nga magapangurente kuntani.
Ini ang ginreport sa Barangay officials nga amo ang nagpahibalo sa CDRRMO.
Suno kay Horegue, ini ang ika-27 na nga naretrieve nga bangkay sa banwa.
Samtang 15 lamang diri ang mga pumuluyo mismo sang Moises Padilla kag ang iban ang gikan na sa lain nga banwa ukon ciudad.
May duha naman nga wala makilal-an kag ginlubong na lamang sa Moises Padilla Public Cemetery.
Suno kay Horegue, na-untat na ang search and retrieval operation, kag sila ang nagapadulong na lamang kun may report nga may nasapwan nga bangkay.
Dugang pa sini nga 15 pa ang missing nga indibidwal sa Moises Padilla.
