Ginalauman nga matapos sang Pilipinas ang tuig bilang isa sa mas mahuyang nga ekonomiya sang Asya bangud sa mga isyu sa korapsyon nga nag-apekto sa pagsalig sang mga investors kag nagpahinay sang public spending.
Ginpahayag sang Capital Economics nga samtang ang mga pungsod pareho sang Vietnam, Taiwan, kag India ang padayon nga naga-perform sang maayo, ang Pilipinas kag Thailand ang posible nga maulihi.
Bangud sa eskandalo nga naglakip sa mga mamalidha, mga katapo sang gabinete, engineers, kag mga kontraktor, naapektohan ang domestic demand kag na-delay ang proyekto sang imprastraktura nga ginalauman nga makapadasig sang pag-uswag sang ekonomiya.
Ginabanta nga mangin mahinay ang pagtubo sang ekonomiya sang Pilipinas nga yara sa 4 percent lamang.// Sa baylo, may-ara man sang positibo nga senyales.
Malauman nga liwat suguran ang mga nauntat nga proyekto sa imprastraktura nga mahimo makabulig sa pagpabakod sang ekonomiya.
Nagapabilin man nga mahina ang inflation nga naghatag sang ligwa sa Bangko Sentral ng Pilipinas agud maghatag sang monetary policy support.
