Nagapati ang Alliance of Concerned Teachers Partylist nga palagwaon na lamang ang paglivestream sang Bicameral Conference Committee bangod ang budget ang nadiskusyonan na antes paman gin-on ang camera.
Sa interview sang Bombo Radyo Bacood kay ACT Partylist Representative Antonio Tinio, pamatuod sini nga wala na sang madamo nga diskusyon para sa budgets nga may mga dako nga deperensya sa bersyon sang Senado kag House of Representatives.
Gani sila ang magahulat na lamang sa ipagwa nga Bicameral Report, agud makita ang mga detalye sang mga bag-o nga nakasugtan.
Nagapati si Tinio nga yara gihapon ang allocables sa mga congressional district samtang ang Senado ang nagporma naman sang lumpsum funds para sa local government unit, nga matawag sini nga sahi sang pork barrel.
Nahibaluan nga ang may pinakadako nga allocable funds subong nga 2026 amo si House Speaker Bojie Dy III kag Mikaela Angela “Mika” Suansing, ang chairperson sa House Committee on Finance sa gindugang nga budget sa Department of Public Works and Highways.
Ini ang nagapakita nga nagapadayun ang systema sang allocables, ukon pondo para sa mga proyekto sang kongresista sa kada distrito.
Bisan ano pa nga deklarasyon nga corruption-free ang 2026 budget, indi gid sini mapatihan.
Suno kay Tinio, mahimo nga ginbuhinan ukon pwede man nga ginpasakaan, apang ang maseguro sini nga nagapabilin gihapon ang pork barrel system.
