Ginkumpirmar sang mga otoridad ang pagkamatay sang anay Undersecretary sang Department of Public Works and Highways nga si Maria Catalina Cabral pasado alas-12:00 kaina sang kaagahon.
Nadiskubrehan nga wala na sang animo si Cabral matapos nga gina-alegar nahulog sa pil-as nga may kadalumon nga tubtob 30 ka metros sa Kennon Road.
Suno sa Benguet police, nakita sang mga kapulisan sang Baguio City Police Office si Cabral sa Suba sang Bued.
Sa inisyal nga imbestigasyon, pasado alas-3:00 sang hapon padulong si Cabral kag ang iya nga driver sa La Union.
Ginhingyo sini nga manaog sa Maramal Camp 5, Camp 4 kag ginhambalan ang driver nga biyaan na lamang siya.
Ginkadtuan siya liwat sang driver pasado alas-500 sang hapon apang wala na sini makita kag gilayon nga nangayo sang bulig sa kapulisan.
Samtang sa karun, padayon ang imbestigasyon sang mga otoridad sa natabo nga insidente.
Nahibaluan nga si Cabral ang isa sa mga gina-imbestigahan sa anomalya sang mga flood control projects sa pungsod.
