Nag-angkon sang mga paso ang isa ka ido sa nagluntad nga sunog sa Prk Tahong, Brgy 2, Bacolod City kaina sang kaagahon.
Sa interview sang Bombo Radyo Bacolod kay Fernando Tanguan, ginapakamaayo sini nga wala nila ginahigot ang ido gani ini ang nakasalbar.
Apang ini ang makitaan sang pila ka mga paso partikular na sa bahin sang iya ilong.
Wala naman ini sang mahimo matapos nga matupok ang ila nga balay.
Suno kay Tanguan, sila ang may kuryente, apang may-ara sang balay nga wala sang kuryente nga ginalantaw nila nga amo ang ginhalinan sang kalayo.
Pahayag sini nga mahimo nasalapayan ang kandila gani natabo ang sunog.
Samtang lakip man sa nasunog ang ginabanta P15,000 tubtob P16,000 nga kwarta nga nasulod sa alkansiya ni Rod Adrian.
Sa interview sang Bombo Radyo Bacolod kag Adrian, siya ang ginpukaw lamang sang iya nga manghod.
Ang nadala lamang sini sa paggwa amo ang pila ka gadgets kaangay sang laptop kag cellphone.
Suno kay Adrian, may mga kabataan sila nga kaupod sa balay, kag ginpakamaayo sini nga sila ang una nga masecure gani wala na sini mabalikan pa ang plastic nga alkansya.
Suno diri, ang kwarta ang gikan sa bonus kag sweldo sa nakaligad sini nga trabaho.
