Electrical ignition ang rason sa nagluntad nga sunog sa Purok 4 Magsungay, Brgy Singcang-Airport, Bacolod City kahapon, alas-4:11 sang kaagahon.
Sa interview sang Bombo Radyo Bacolod kay Fire Officer 2 Rolin Paulan, chief investigator sang Bacolod City Fire Station, nagdangat sa P270,000 ang balor sang halit sa nasunog nga mga balay.
Isa diri ang totally damaged samtang tatlo naman ang partially damaged.
May duha naman nga narekord nga injured nga amo ang 32 anyos nga cook sa karenderia nga si Wimer Sabanal nga nag-agom sang injury sa nawala sini nga tiil kag ang walo ka tuig nga babayi nga nag-agom sang second degree burn sa tiyan.
Suno kay Paulan, naggwa sa ila imbestigasyon nga electrical ignition ang ginhalinan sang kalayo nga nagresulta sa sunog.
Dugang pa sini, nalakip ang lugar sa red zone area kag mabudlay ang pagresponde didto bangod sa kitid nga dalan kag nagatinapik-tapik nga balay.
