Ginaluaman sang Punong Brgy sang Brgy Mandalagan, Bacolod City nga mahatagan sang husto nga supply sang tubig ang mga area nga naga-antos sang maninit nga tubod sang tubig.
Sa interview sang Bombo Radyo kay Punong Brgy Paul Anieve, sadto masami gid nga nagareklamo sa kakulangan sang tubig ang mga pumuluyo sa Eroreco apang sa karun wala pa man ini sang may nabaton nga reklamo.
Suno diri, ginalauman sini sa karun nga may bag-o na nga tag-iya ang Primewater nga malab-ot ang tanan nga area sang Brgy sang supply sang tubig, mas mabaskog kag tayoyon nga tubod sang tubig kag pagnubo sang balayran.
Dugang pa sini, nagapanawagan ini nga kun tani masolusyonan ang problema nga kinawatay sa metrohan sang BACIWA.
Ang Brgy Mandalagan may yara sang kapin 30,000 ka pumuluyo, sa 16 ka purok kag 22 ka subdivision.
