Gilas Pilipinas, nagapabilin nga top basketball team sa Southeast Asia, matapos madaog ang 2025 SEA Games apisar kulang ang “A” lineup

Ginpakita sang Gilas Pilipinas nga sila gihapon ang top basketball team sa Southeast Asia sang sila nagdaug sang bulawan nga medalya sa 33rd SEA Games in Bangkok, Thailand.

Nagapati si Coach Tim Cone nga mas mahapos kuntani ang paglutos sa kontra gamit ang full nga “A” lineup lakip diri si Kai Sotto kag June Mar Fajardo, apang nahimo man nila nga magdaog sa bulig ni Coach Norman Black.

Indi nangin mahapos ang ila kadalag-an bangud ang nagpabudlay diri ang mga pagbag-o sa pagsulundan sang Thailand kag ang kontrobersyal nga pag-officiate sang hampang.

Apang wala nagpapierde ang Gilas kag ginpakita nila ang ila kabug-usan nga talento.

Bisan ginakabig sang iban nga “B” ukon “C” team lang sila, nagpabilin nga nami ang performance sang Gilas players kaangay nanday Ray Parks Jr. kag Matthew Wright.

Gindayaw naman ni Cone si Black sa iya nga pag-coach kag dedikasyon sa team Philippines kag ginpabugal niya ang kabudlayan sang team nga magdaog bisan wala sang nakaandan nga preparasyon kag chemistry.

Sa karun, nagapreparar ang Gilas Pilipinas para sa 2026 Asian Games kag 2027 FIBA World Cup qualifiers.