Ginpahayag ni Interior and Local Government Secretary Jonvic Remulla nga si anay Ako Bicol party-list representative Zaldy Co ang nagapatindog sang lima ka panalgan nga basement sa iya Forbes Park house sa Makati City.
Sa press conference, ginpahayag ni Remulla nga ang nasambit nga basement ang mahimo plano ni Co nga himuon nga tambakan sang mga kwarta.
Suno diri, na-untat ang konstraksiyon sang building matapos nga nagluntad ang mga anomalya sa flood control projects.
Samtang, ginpanginwala naman sang abogado ni Co nga si Atty Ruy Rodain ang pahayag ni Remulla kag gintawag nga “fabrication” ukon imbento lamang.
Dugang pa sini nga ang balay ni Co ang gindisenyo nga may split-type nga basement nga para lang sa mga salakyan kag indi para himuon nga storage sang kwarta.
Nahibaluan nga nagpagwa na sang warrant of arrest batok kay Co kag sa iban pa, lakip na ang mga opisyal sang Department of Public Works and Highways (DPWH) kag mga direktor sang Sunwest Corp., bangud sa anomalya sa mga flood control program.
