Ang Bangko Sentral ng Pilipinas (BSP) ang maga-lunsyar sang 10-piso commemorative coin sa Enero 2026 para markahan ang pagpamuno sang Pilipinas sa Association of Southeast Asian Nations (ASEAN) sa madasun nga tuig.
Santo sa BSP, magapabilin ang disenyo sang ginahimo karon nga 10-piso nga halin sa New Generation Currency coin series, kag naga-feature kay Apolinario Mabini.
Apang ang piyak naman nga bahin sang coin ang naga-feature sang ASEAN kag may-ara sang QR code nga naga direkta sa website sang pungsod nga mangin host sang ASEAN sa masunod nga tuig.
Dugang pa diri, ang paglakip sang QR code ang nagakonektar sang tradisyon kag teknolohiya samtang nagahatag sa publiko sang madali nga digital access sa mga update sang ASEAN 2026.
Ginpabugal man sang BSP nga ang 10-piso ang nagasimbolo sang kooperasyon, economic integration, kag ang aktibo nga papel sang Pilipinas sa pagmolde sang bwas-damlag sang rehiyon.
