Ginbisitahan sang komedyante nga si Ai Ai delas Alas ang isa ka sikat nga museo sa Quezon City nga ginapanag-iyahan sang isa ka vlogger nga si Boss Toyo, agud ibaligya ang iya engagement kag wedding ring nga gikan sa iya anay bana nga si Gerald Sibayan.
Suno sa pahayag ni Ai Ai, ang ginbaligya niya kay Boss Toyo amo ang iya ikatatlo na nga wedding ring bangud masami ini nga madula rasun nga ginkabig niya ini malain nga senyales sa ila nga marriage.
Luwas sa iya wedding ring, ginbaligya man ni Ai Ai ang iya engagement ring nga pareho nga brilyante kag yara sa sulod sang pula nga jewelry box.
Ginpahayag ni Ai Ai nga nagdesisyon siya nga ibaligya ang duha ka brilyante nga singsing bilang kabahin sang pagpangita sang closure.
Dugang pa niya, ang kwarta nga iya makuha sang pagbaligya igadonar sa Life Saver, isa ka organisasyon nga nagabulig sa mga cancer patients.
Madumduman nga gin-anunsyar sang komedyante ang pagbulagay sang Oktubre 2024 sa isa ka talk show.
Sa piyak nga bahin, ginbakal sang vlogger ang mga singsing sa balor nga P250,000 humalin sa presyo ni Ai Ai nga P350,000.
