May yara sang byahe sa mga seaports sa adlaw sang paskwa kag sa bag-ong tuig.
Ang Montenegro lines may scheduled trip subong nga adlaw halin alas- 8:30 sang aga kag alas- 12:30 sang udto kag Disyembre 31 halin alas- 8:30 sang aga kag alas- 12:30 sang udto apang wala sang byahe sa Disyembre 25 kag Enero 1, 2026.
Ang Ocean Jet naman may schedule trips naman sa Disyembre 25, 2025 kag Enero 1, 2026 nga Iloilo to Bacolod alas- 11:00 sang udto kag alas- 2:30 sang hapon kag Bacolod to Iloilo nga alas- 8:50 sang aga kag ala- 1:00 sang hapon.
Ang Weesam express may byahe sa Disyembre 24 kag Disyembre 31 nga Iloilo to Bacolod, alas- 6:30 sang aga, alas-10:20 sang aga kag ala- 1:20 sang hapon; kag Bacolod to Iloilo nga alas- 7:00 sang aga, alas- 8:20 sang aga kag alas- 12:30 sang udto.
Samtang sa Disyembre 25, 2025 kag Enero 1, 2026, ang byahe nakaschedule alas- 10:20 sang aga kag alas- 4:45 sang hapon sa Iloilo to Bacolod; kag alas- 12:30 sang udto kag alas- 3:20 sang hapon sa Bacolod to Iloilo. Samtang,
mas dako ang numero sang mga pasahero nga nagabyahe paggwa sa probinsya sang Negros Occidental sang sa mga nagapasulod byahe sa probinsya.
Sa interview sang Bombo Radyo Bacolod kay Lt Jr Grade John Hoffer Olis, public information officer sang Coast Guard Station Northern Negros Occidental, sang Disyembre 20- 2,358 ang outbound passengers samtang 2,180 naman ang inbound; sang Disyembre 21- 3,273 ang iutbound samtang 2,660 naman ang inbound; Disyembre 22- 2,476 ang outbound samtang 2,265 naman ang inbound; kag sang Disyembre 23- 3,308 ang outbound kag 2,596 ang inbound.
Suno kay Olis, sa ila monitoring madamo gid sang nagbyahe nga pasahero sang petsa 21 kag 23.
Pahayag sini, gina-implementar nila ang strikto nga departure inspection kag ila ginastekyar ang sea worthiness sang mga sakayang pandagat.
Pahanumdom sini sa mga nagabyahe nga indi magdala sang explosive devices kag deadly weapon.
