Mensahe ni Catholic Bishops’ Conference of the Philippines (CBCP) President kag Lipa Archbishop Gilbert Garcera sa mga tumuluo nga Katoliko, nga magapangamuyo sa sini nga Paskwa, kadungan sa pagselebrar sang Simbahan sang Jubilee Year of Hope.
Suno sa Arsobispo importante ang magpabilin ang paglaum bangud madamo ang nagapangamuyo para sa ka-ayuhan sang aton kabuhi, samtang kinahanglan nga may manabat man sa indi maayu nga ginapanghimo matapos ang nagkalain-lain nga isyu kaangay sang kurapsyon sa mga maanomlya nga flood control projects.
Ginpaathag sini nga kinahanglan ibalik liwat ang matahum nga relasyon sang tawo sa Diyos, kag ang paskwa amo ang tion sang pagpahanumdom sa atun tagsa ka kaugalingon.
Pahanumdom ni Bishop Garcera sa mga tumuluo nga ang paskwa ang isa ka bendisyon para sa bug-os nga kalibutan, kun sa diin mabatyagan ang paghili-usa kag pagpakig-upod sang Diyos sa katawhan.
Sa Simbahang Katoliko, ang Jubilee ukon Holy Year, ang isa ka espesyal nga tuig sang pagpasaylo kag pag uli-ay ukon reconciliation nga ginaselebrar sang Simbahan kada 25 ka tuig.
