Sa Christmas message sang obispo sang Diocese of San Carlos, ginpahanumdom sini nga ang Diyos ang naga-upod sa pigado, ginapakanubo, naga-antos kag mga ginakalipatan.
Sa mensahe ni Most Rev. Gerardo A. Alminaza, D.D., Bishop sa Diocese of San Carlos, sanday Maria kag Jose ang lunsay ginpakamalaot, kag si Hesus ang natawo sa pasungan sang sapat.
Ang kaangay nga mga estorya ang makita man sa karun sa madamo nga mga Pilipino.
May mga kabataan nga ginbun-ag sa evacuation centers, mga pamilya sa baybayon nga nagakahangawa sa pagsaka sang tubig, mga katilingban sa kabukiran nga ginapahalin bangod sa mina kag iban pa nga energy projects, kag madamo sang nagapangabuhi sa pagpangduhaduha sa kun ano ang ila madangatan sa palaabuton.
Pahanumdom ni Bishop Buzon nga ang mga ginakalimtan, mga ginapasipad-an, kag ginapabay-an, sila amo ang ginapili kag ginakahamut-an sang Diyos.
Paathag sini nga ang pasungan ang indi dekorasyon, sa baylo ini ang pahanumdom nga ang Diyos ang nagadampig sa mga mahuyang.
Suno diri, tuman nga gin-abusaran ang kadutaan, kadagatan kag kabukiran, nga nagresulta sa paglala sang mga kalamidad kaangay sang bagyo, linog, baha, kag tuman nga kainit nga ginbuot sang Diyos.
Apang sa masami, ang mas naga-antos amo ang mga magagmay, apisar nga ang kahalitan sa dunang-manggad ang kahimuan sang mga dalagko.
Sa pihak sini, pahanumdom ni Bishop Alminaza nga ang kasakit ang indi kapalaran nga wala nagid sang mahimo, sa baylo ini ang resulta sang desisyon nga sarang lamang mabag-o.
Pahanumdom sini nga ang Paskwa ang indi batok sa pag-uswag, apang dapat dumdumon kun para kay sin-o kag kun ano ang kabaylo sini.
Suno kay Bishop Alminaza, dapat nga hatagan man sang pag-atipan ang kalibutan, bangod ang tawo ang nagasalig lamang sa grasya sang Diyos sa kalibutan.
Pangabay sini ang Green Christmas, nga puno sang paghigugma, may pag-atipan kag may paglaom./
