Wala sang untoward incident nga narecord ang Negros Occidental Police Provincial Office sa selebrasyon sang Paskwa, kag ginalauman sang mga ini nga mapabilin ang kalinong tubtob sa selebrasyon sang Bag-ong Tuig.
Sa interview sang Bombo Radyo Bacolod kay NOCPPO Spokesperson Police Captain Judesses Catalogo, ang mga kapulisan ang nagapabilin nga yara sa heightened alert status sa idalom sang Oplan Ligtas Paskuhan.
Sila ang padayun man nga magadeploy sang police personnel sa mga areas of convergence kag ipabilin man ang ginplastar nga mga police assistance desk.
Suno kay Catalogo, natalupangdan nila nga matapos ang Paskwa sa masami nagadamo ang mga nagapadulong sa mga inland kag beach resorts.
May instruction naman sa kada hepe sa pagbantay sa mga vacation destinations nga yara sa ila tagsa ka areas of reponsibility.
Nagalaom si Catalogo nga kun paano nagkooperar ang mga pumuluyo sa otoridad tubtob sa pagsaulog sang Paskwa, ini ang mapabilin tubtob sa pagsugata sang Bag-ong Tuig.
