Nagpatigayon sang Children Address si Bacolod City Mayor Greg Gasataya sa pila ka mga kabataan sa ciudad sang Bacolod kahapon, Disyembre 26.
Suno sa Alkalde, ang “State of the Children Address” ang ginhimo matapos makabaton ang ciudad sang Seal of Child-Friendly Local Governance (SCFLG) halin sa Council for the Welfare of Children.
Suno diri, ang ini nga pasidungog ang nagapakita sang mabaskog nga pagtinguha sang ciudad sa proteksyon sang mga kabataan sa nagkalain-lain nga bahin sang kabuhi, pag-uswag, partisipasyon kag pagdumala.
Ginpahayag sini nga ang kabataan sa ciudad sang Bacolod, bisan ano pa ang ila ang ginhalinan, nagakadapat nga hatagan sang kahigayunan nga maghampang, magtuon kag pamatian ang ila mga handum.
Gani nagpanghatag sila sang pila ka mga regalo sa mga kabataan.
