Ginpahayag sang kilala nga political analyst nga klaro na nga tuman na ang pagdepensa sang Malacañang sa nagkatabo nga isyu sang korapsyon.
Sa interview sang Bombo Radyo kay Atty Jomax Ortiz, bisan si Department of Public Works and Highways (DPWH) Secretary Vince Dizon nag-intra na sa orchestra sa pagdepensa sa Malacañang.
Suno diri, dapat pasugtan si Batangas Representative Leandro Leviste kun ano man ang ipagwa sini angot sa mga dokumento nga ginhatag sa iya ni late DPWH Undersecretary Maria Catalina Cabral.
Suno kay Ortiz, indi insakto nga naghana pa lang si Leviste sa himoon sini pero gina- criticize na siya.
Nagapati ang abogado nga ginhatag ni Cabral kay Leviste ang mga dokumento bangod para sa iya si Leviste maisog kag indi mahapos baklon sang iban bangod siya mismo nagpahayag nga ang iya iloy nga si Senator Loren Legarda may yara sang insertion sa budget.
Pahayag ni Ortiz, may yara gid sang problema kay Dizon ilabi na kun ginadiktahan lang ini sang Malacañang, ini maka-apekto sa rating ni President Ferdinand Marcos Jr nga magnubo na gid.
