Iban naga-eksperyensya sang mental health issues sa tion sang holiday season apisar nga ini ang tion para sa festivities.
Sa interview sang Bombo Radyo kay John Dave Abaño, Co-director sang Mental Health-Negros, madamo sang factor nga naga-apekto sa mental health sang tawo sa tion sang holiday season kaangay na lamang sang stress sa budget para sa noche buea bangod ang ini nga season nagademand sang dako sa kada isa.
Suno diri, importante nga hibaloon kun ano ang rason sang stress, kun ini bala financially ukon family matters, ukon mga goals sa sini nga tuig nga wala nalab-ot.
Kun kaisa makita man sa social media ang mga butang nga ginahandom nga maangkon man, apang gin-athag ni Abaño nga pictures lamang sa social media ang makit-an kag wala nahibaloan kun ano man ang ila inagyan sa likod sini.
Dugang pa sini, sa karun nga holiday season mas mataas ang numero sang mga babayi nga stress sang sa lalaki, bangod kun ang stress sang lalaki amo ang paghatag sang budget, ang stress naman sang babayi amo nga kun paano sini mabudget ang kwarta.
Apang, pahayag ni Abaño dapat mangin bukas sa kun ano man ang nabatyagan kag kabigon ini nga valid kag indi nga pabay-an lang.
Mensahe sini, mag-enjoy sa karun nga holiday season kag indi malipat magpahuway kag magreflect sa mga butang nga natun-an sini nga tuig 2025 nga mahimo dal-on sa masunod nga tuig 2026.
