Padayon ang pagtsekyar sang Land Transportation Office – Negros Island Region sa mga nagabyahe sa dalan nga wala nagasunod sa layi.
Sa interview sang Bombo Radyo Bacolod kay LTO-NIR Director Jeck Conlu, sa sulod sang isa ka adlaw may tatlo ukon apat sila nga maapprehend nga wala nagabayolar sa layi sa dalan.
Suno diri, ginatsekyar man nila ang mga seaports kag terminals nga safe ini antes magbyahe.
Kun may makit-an nga problema, wala na nila ginapabyahe ang salakyan.
Kalabanan sa ila makit-an amo ang mga may podpod nga goma, wala nagabutang sang seatbelt kag wala nagasuksok sang helmet.
Pahayag sini, tubtob sa Enero 4 pa ang ila oplan pasko kag padayon ang ila road side inspection.
Pahanumdom sini nga sigurohon nga indi colorum ang ginasakyan nga public utility vehicle kag kun may yara man sang reklamo, dapat nga ireport gilayon.
