Kagutok sang prisuhan, nabuhinan sang 69 porsyento sa paghilway sang 10,000 nga mga priso sang 2025

Ginreport sang Bureau of Corrections (BuCor) kahapon, Huwebes, Enero 1, 2026 nga nabuhinan sang 69 percent ang kagutok sang mga prisuhan sa Pilipinas.

Suno kay BuCor Director General Gregorio Catapang Jr., halin sa 356 percent nga congestion nagnubo ini sa 287 percent bangud sa paghilway sang 10mil ka mga priso sang 2025.

Ginhinambit naman ni Catapang ang lapnagon nga pagsaylo sang kapin 14,000 ka mga priso sa New Bilibid Prison, nga sa karun mas maayo na kag wala na nagaginutok.

Sa una nga tatlo ka tuig sang Marcos administration halos 18,000 ka persons deprived of liberty (PDLs) ang ginhilway matapos makumpleto ang ila nga sentensya, 5,000 ang nakabaton sang parole kag 4,000 ang napamatud-an nga wala ang mga ini sang sala.