Ginpahayag sang Department of Trade and Industry (DTI) nga ginalauman nga mas madamo ang maga-invest sa Pilipinas sa pag-host sini sang Association of Southeast Asian Nations (ASEAN) Summit and related meetings subong nga 2026.
Suno kay Trade Secretary Cristina Roque, posible nga mas madamo pa ang maga-abot nga investment, particular na ang naghalin sa kaingod nga rehiyon nga magapasakop sa ASEAN meetings.
Samtang wala ini naghatag sang actual investment target para sa 2026, ginpahayag ni Roque nga masami ginahandum sang gobyerno nga malapawan ang nagligad nga tuig.
Humalin sang Enero tubtob Septyembre 2025, nagdangat sa P824.7 billion ang narehistro nga investment sa investment promotion agencies (IPAs), suno sa Philippine Statistics Authority (PSA).// Ini ang 47.8 percent nga mas manubo nagikan sa P1.58 trillion sa amo man nga period sang 2024.
Sang nagligad nga Disyembre 10 tubtob 11, 2025, nag-host ang pungsod sang pinakauna nga official ASEAN meeting bilang chair sang ASEAN Senior Economic Officials’ Meeting (SEOM) Retreat sa Boracay Island.
