Natalana nga idispose ang mga nakumpiskar nga palupok kag boga sang kapulisan sa Negros Island Region sa Enero 7.
Madumduman nga kahapon, gipatigayon ang presentasyon sang mga nakumpiskar nga illegal firecrackers kag boga sa Negros Occidental Police Provincial Office Headquarters.
Sa interview sang Bombo Radyo Bacolod kay NOCPPO Spokesperson Police Lt Col. Joem Malong, ang mga nakumpiskar nga palupok kag boga ang ila nga gub-on kabulig ang Explosive Ordnance Disposal and Canine (EOD-K9) unit kag Bureau of Fire Protection.
Pahayag sini nga ang mga palupok ang pagabas-on sang tubig kag ilubong.
Sa karun, ini ang yara sa storage sa isa ka designated safe area sa NOCPPO.
Paathag ni Malong nga sila ang may gintalana gid nga safe area nga mabutangan bangod sa dako nga risgo inkaso maglupok ang mga nakumpiskar nga firecrackers.
