Aminado ang representative sang Bacolod City Fireworks and Firecrackers Association nga mahina ang pagbaligyaanay sang palupok sang tuig 2025 kun ipaanggid sang nagligad pa nga duha ka tuig.
Sa interview sang Bombo Radyo Bacolod kay Ryan Villaruz, mahina ang pagbaligyaanay apang nagapasalamat ini sagihapon nga bisan paano nakaginansya man sila.
Suno kay Villaruz, sang December 30 kag 31 nagdagsa ang mga bumalakal sang palupok bangud sang mga suki nila nga nagpamalaklon.
Suno diri ang ginalantaw nga rason sang mga ini nga naghina ang pagbaligyaanay bangud man sa mga naglabay nga bagyo sa ciudad.
Pila sa mga madasig nga naubos nga palupok amo katay.
Ginapasalamatan ni Villaruz ang mga kapulisan, bombero, Local Government Unit sang Bacolod City sa pagpanguna ni Bacolod City Mayor Greg Gasataya agud nga matigayon ang pagbaligya sang palupok.
Ginapasalamatan man sini ang mga pumuluyo nga nagbakal sang ila nga mga baligya magluwas sa ila mga suki kasubong man ang Bombo Radyo Bacolod kag iban pa nga katapo sang media nga nagbulig sa pagpalapnag sang impormasyon agud mapahibalo sa mga pumuluyo kun sa diin ang designated nga baligyaan sang palupok sa Bacolod City.
