Ginkasubo sang film director nga si Jun Robles Lana ang mahal nga presyo sang tickets sa nagapadayon nga screening sang Metro Manila Film Festival 2025 sa mga sinehan sa Pilipinas.
Sa X, ginpahayag sang “Call Me Mother” director nga sang una, ginakabig nga “people’s festival” ang MMFF kun sa diin, ginadala sang ordinaryo nga mga mamumugon ang ila kabataan agud makalantaw sang ila idol sa big screen.
Apang subong, P1,500 ang kinahanglan sang isa ka pamilya nga may apat ka myembro agud makasulod sa sinehan, magluwas pa sa pamasahe ukon popcorn.
Sa Metro Manila, ang ticket ang nagabalor sang P350 tubtob P1,200 depende sa sahi sang cinema kag mga inclusion.
Suno kay Jun, ang isa ka national film festival ang indi ma-promote sa presyo nga naga-exclude sang pungsod.
Si Jun ang director sang “Ang the Breadwinner is…” “About Us But Not About Us,” “Die Beautiful,” “Barber’s Tales,” “Kalel, 15,” kag madamo pa.
