Wala sang may nagluntad nga engkwentro sa natapos lang nga holidays kasunod sa pagdeklarar sang makawala nga grupo sang ceasefire apang nagapabilin nga alerto ang katapo sang militar.
Sa interview sang Bombo Radyo kay Lt Col Eric Alfonso, commander sang 79th Infantry Battalion, sa sakop sang ila area of responsibility, wala sang may nagluntad nga engkwentro sa mga remnants sang New Peoples Army.
Pa-athag sini, remnants na lamang ang sa likod sang mga engkwentro bangod nadismantle naman ang ila nga grupo.
Suno kay Alfonso, padayon ang ila pagmonitor sa giyo sang NPA ilabi sa mga lugar nga nasiplatan ang ila presensya.
Pahanumdom ni Alfonso nga mangin handa kag alerto sa ano man nga pamahog sa seguridad.
Samtang, padayon ang programa sang gobyerno sa luyag magbalik sa gobyerno para sa luyag nga mag-upod na sa ila pamilya kag para sa kalinong.
