Positibo para sa mga Pilipino sa Texas ang ginhimo ni US President Donald Trump nga pagdakop kay Venezuela President Nicolas Maduro agud matapna na ang pagsulod sang illegal nga druga sa pungsod.
Sa interview sang Bombo Radyo Bacolod kay Noor Moraña, gindayaw sini ang pwersa sang Amerika nga bisan pila lang ka linupok ang nabatian, wala sang may narekord nga napatay.
Suno diri, ang political will ni Trump mabaskog kag wala ini nabalaka sa kinagamo basta legal kag husto lang ang proseso.
Suno kay Moraña, makit-an sa karun nga ginapatuman ni Trump ang luyag sini nga dulaon ang illegal nga druga sa pungsod nga gin-unahan sini sadto sa Mexico.
Pahayag sini, sunod nga gintarget ni Trump ang Venezuela indi lamang bangod nagapasulod sang illegal nga druga ang pungsod sa Amerika, apang bangod man sa safety sang Amerika kag oil production sa Venezuela.
