Gintawag nga pamulitika sang Malacañang ang gina-alegar plano nga pag-file sang impeachment complaint batok kay President Ferdinand “Bongbong” Marcos Jr.
Suno kay Palace Press Officer Claire Castro sa isa ka statement, wala sang basehan ang mga statement nga gina-alegar naghalin sa mga supporters sang isa ka politiko.
Suno kay Castro, nagapabilin nga committed ang presidente sa pagpamuno kag pagdihon sang mga resulta para sa Filipino.
Ini ang sabat sang Palasyo sa pahayag ni House Senior Deputy Minority Leader kag Caloocan 2nd District Representative Edgar Erice nga mahimo magpangatubang si Marcos sang impeachment complaint.
Suno kay Erice may pila ka mga indibidwal nga nagpalapit sa iya agud i-endorso ang impeachment complaint batok kay Marcos bangud sang betrayal of public trust.
Dugang pa sang mamalidha, may iban man nga congressman nga nagapati nga may basehan sa posible impeachment complaint sa presidente.
