Napaidalom na sa state of calamity ang Cebu City kasunod sang natabo nga pag-collapse sang Binaliw landfill sang nagligad nga semana nga ginkamatay sang 12 ka mga indibidwal.
Gin-aprubahan sang Cebu City Council ang resolusyon nga nagadeklarar sang state of calamity matapos ang makamamatay nga trash slide. Bangud sini, magamit na ang calamity funds agud mapadasig ang emergency response, recovery operations, kag assistance sa mga apektado nga pamilya.
Aprobado naman sang Konseho ang pag-release sang P30 million nagikan sa quick response fund sang ciudad para sa garbage disposal services.
Gindeklarar sang Council ang January 16 bilang Day of Mourning sa Cebu City agud dumdumon ang mga napatay sa landfill tragedy.
Nahibaluan nga naglab-ot na sa 13 ang kumpirmado nga patay kag may yara pa sang 18 ka indibidwal ang nagapabilin sa ospital samtang 23 pa ang missing.
