Determinasyon kag kaisog ang nagdala sa isa ka bata sa kadalag-an sa Asian Youth Para Games nga ginhiwat sa Dubai, United Arab Emirates sang tinalikdan nga tuig 2025.
Si Zach Lucas Obsioma ang isa ka Para-Swimmer nga nangin tiglawas sang Pilipinas sa Asian Youth Para Games sang Disyembre 7 tubtob 14, 2025.
Ginpakigbahin ni Obsioma ang iya naeksperyensiya sang nagcompete ini sa Dubai.
Suno sa iya, apisar mainit didto ang klima, mabugnaw ang buga sang hangin apang nakasaho man ini gihapon sa panahon didto.
Nakaagom si Obsioma sang silver medal sa 400-meter freestyle event.
Ginpasidunggan man ni Governor Eugenio Jose “Bong” Lacson ang mga atleta kag ginpresentar sa ila ang mga nadaugan nga medalya.
Suno kay Obsioma, kada adlaw gid ini naga-training luwas sa adlaw sang Dominggo nga iya pahuway.
Ang silver medalist ang nagaskwela sa SPED High School sa Cadiz City kag karun Grade 7 na.
Mensahe ni Obsioma, ‘always work hard’ kag ‘never give up’.
