Ulihi nga missing sa nagluntad nga landslide sa landfill sa Barangay Binaliw sa Cebu City, nakit-an na; final death toll yara na sa 36

Nakit-an na sang rescuers ang ulihi nga missing nga biktima sang landslide sa landfill sa Barangay Binaliw sa Cebu City kaina sang aga.

Ang bangkay sang ulihi nga missing victim nakit-an alas- 5:41 sang kaagahon.

Suno sa Bureau of Fire Protection – Region 7 Cebu City Fire Station, na-account na ang tanan nga reported nga indibidwal nga biktma sang dumpsite landslide incident.

Bangod sini, ang death toll sa insidente nagdangat na sa 36.

Sa karun padayon ang koordinasyon sang BFP sa partner agencies samtang nagapadayon ang post-operation assessments kag site monitoring.

Madumduman nga ang landslisde natabo sang Enero 8 sa waste management facility sa Barangay Binaliw.