Arestado ang SK Kagawad sang Barangay 12, Bacolod City kag duha ka kaupod sini sa drug buy bust operation nga ginpatigayon sa Police station 2 sa Purok Sigay, Barangay 2, kaina alas- 12:09 sang kaagahon.
Ang mga nadakpan amo sanday SK Kagawad Joven Antoniano, 23 anyos, residente sang Prk. Malipayon Brgy 12, Bacolod City; Jessie Sioson Jr.,19 anyos, residente sang Prk. Magtiayob Brgy 10, Bacolod City; kag John Mark Villacarlos, 18 anyos, resdiente sang Prk. Smith Brgy 9, Bacolod City.
Sa interview sang Bombo Radyo kay Police Major Eugene Tolentino, station commander sang Bacolod Police Station 2, tinalikdan pa nga tuig ang ila monitoring sa tatlo nga nagalibot-libot sa area.
Nakumpiskar sa tatlo ang kapin 105 grams sang suspected shabu nga may standard drug price nga P714,000.
Sa karun yara na sa kustodiya sang Bacolod Police Station 2 ang tatlo nga magapangatubag sang kaso sa pagbayolar sa RA 9165 ukon Dangerous Drugs Act of 2002.
