Nagbyahe na padulong sa Iloilo City ang 300 ka mga pulis gikan sa Police Regional Office- Negros Island Region para mag-augment sa Dinagyang Festival 2026.
Suno kay PRO NIR Director Police Brigadier Gen. Arnold Thomas Ibay, ginpatigayon ang send off ceremony kaina sang aga para sa 300 ka mga pulis nga magaserbe sa Iloilo City humalin sa Enero 22 tubtob 26.
Ini ginalakipan sang tatlo ka personnel sang Regional headquarters, 63 ka personnel gikan sa Bacolod City Police Office, 69 halin sa Negros Occidental Police Provincial Office, 65 halins sa Regional Mobile Force Battalion (RMFB), kag 100 ka newly garduated personnel.
Suno diri, sang tinalikdan nga tuig nagpadala ang Police Regional Office 6 sang augmentation para sa Masskara festival kag sa karun ang PRO NIR ang nagabalik lamang sang pabor.
Mensahe sini sa mga pulis nga sundon ang layi kag likawan ang pag-inom sang makahulubog nga ilimnon.
Samtang, nagpasalig naman si Ibay nga ang pagpadala sang mga personnel sa Iloilo indi maka-apekto sa ila serbisyo para sa security sa bug-os nga Negros Island Region.
