Nagapangatubang na sang kaso nga carnapping ang suspek nga mangawat kuntani sang motorsiklo sa San Juan St, Purok Tahong, Barangay 2, Bacolod City sang Enero 17, 2026.
Sa interview sang Bombo Radyo Bacolod kay Police Major Eugene Tolentino, station commander sang Bacolod Police Station 2, ang suspek ang nadakpan matapos nga ginpunggan sang witness sang hana na nga ipalagyo ang Honda click 125.
Nagbato pa ang suspek kag nagpukutay pa sila sang witness nga pakaisa sang tag-iya sang motorsiklo.
Nakita man sila sang iban nga mga pumuluyo kag ginpulihan pa ini.
Gilayon man nga nakaresponde ang mga kapulisan sang Bacolod Police Station 2 kag gin-aresto ang suspetsado.
Ang suspek ginatudlo man nga responsable sa madamo nga kaso sang pagpangawat sang motorsiklo sa bahin sang Bacolod Police Station 3.
Wala man ini mapriso matapos nga wala man madakpan.
Wala man ini sang trabaho kag ginhatagan man ini sang medical attention matapos nga ini ang ginpulihan sang mga residente.
