Nagplead NOT GUILTY si Police Staff Sgt. Bonifacio Saycon sa ginpatigayon nga arraignment sang iya multiple murder nga kaso sa Regional Trial Court Branch 33 sa Dumaguete City, Negros Oriental.
Sa interview sang Bombo Radyo Bacolod kay Police Captain Stephen Polinar, close door ang ginpatigayon nga arraignment gani wala man nila nahibaluan kun ano ang gingamit nga rasun sang suspect sa pagplead not guilty.
Madumduman nga una nga ginpatay ni Saycon ang Guest Relations Officer (GRO) nga si Chiela Mae Dinawanao sang Enero 9, nga ginsundan sang pagluthang sini sa hepe sang Sibulan Municipal Police Station nga si Police Captain Jose Edrohil Cimafranca; kag sanday Police Senior Master Sgt Tristan Chua kag Patrolman Rey Albert Temblor.
Matapos ang arraignment, ginbalik man gilayon si Saycon sa detention sa Sibulan Municipal Police Station.
Suno kay Polinar, matapos sang arraigment, magapatigayon pa sang pre-trial, kag ang prosecution ang depensa ang magapresentar sang ila nga mga ebidensya.
Ang court ang magaschedule naman sang adlaw sang hearing, nga mangin malawig nga proseso.
Ang ulihi amo ang pagpagwa sang desisyon sang korte.
