Ginpahayag sang Bintay Bigas nga wala sang pagsaka sa presyo sang humay matapos ang pag-implementa sang rice importation ban humalin sang Setyembre 1, 2025 tubtob Disyembre 31, 2025.
Sa interview sang Bombo Radyo Bacolod kay Cathy Estavillo, tagpamaba sang Bantay Bigas, tuyo sang gobyerno nga mapasaka ang presyo sang baklanay sang humay paagi sa importation ban apang santo sa ila monitoring wala sang may natabo nga nagsaka ang presyo sang humay.
Suno diri, may ginpagwa man nga price ceiling nga P17 per kilo ang baklanay sang humay apang nagpabilin nga yara lamang sa P8 tubtob P12 ang presyo.
Para sa Bantay Bigas kaangay nga wala lang sang may natabo sa pagpatuman sang importation ban bangod antes pa man ini gin-implementar, may yara na sang nakasulod nga mga imported rice.
Ini ang rason kun ngaa bisan may yara sang importation ban, madamo sa gihapon sang bugas sa mga merkado.
Pahayag ni Estavillo, sa Pebrero 14 may yara sila sang hiwaton nga protesta sa pagpamatok sa Rice Tariffication Law (RTL) nga nagakakas sa limitasyon sa rice import nga nagahalit sa mga mangunguma.
