Naga-alarm kag nagahatag sang 5-minutes allowance ates magpatigayon sang towing kag clamping activity ang Bacolod Traffic and Transport Management Department (BTTMD).
Sa interview sang Bombo Radyo Bacolod kay BTTMD officer in charge Atty Reuben Sabig, may-ara sila sang duha ka team nga nagapatigayon sang clamping kag towing, nga nagsugod sa pag-operar sa una nga semana sang Enero 2026.
Yara sa ila nga guidelines nga kinahanglan anay magpahuni sang alarm agud mawarningan ang mga drivers nga yara lamang sa palibot nga kuhaon ang ila salakyan kag indi matow.
Apang paathag ni Sabig nga kun nakapark sa towing area, ang mga motorista ang ticketan gihapon.
Suno diri, wala sang bayad sa impounding, apang ma-uti ang proseso sa city government antes marelease ang mga ma-impound nga salakyan.
Sa karun ang impounding area ang yara sa Brgy Alijis, apang ini ang puno na.
Ginalauman ni Sabig nga maklaro na ang ginhatag nga area sa reclamation area, nga ila gamiton nga impounding area.
Ini bangod indi nila gusto nga mag-arkila kun may-ara lang man sang available nga propedad ang City Government, agud indi na kinahanglan magcharge sang impounding fee.
Samtang nagrequest man sa BTTMD si Bacolod City Police Office Director Police Col Joeresty Coronica nga ma-tow ang mga salakyan sa Police Stations nga ginkustodiya gikan sa mga involved sa aksidente ukon krimen kag iban pa agud maghawan ang mga estasyon.
Nagpasalig man si Coronica nga sila ang magahamtang sang police security sa bahin sang impounding area nga pagahamtangan sang mga salakyan.
 nagahatag sang allowancces antes magpatigayon sang towing kag clamping activity){kind=link}