Nangin emosyonal ang Voice Idol Of Sagay (VIOS) sa nangin resulta sang ginhiwat nga Pasigabong Showdown of the Bands 2026 sang Enero 24, 2026 sa Plazuella de Iloilo bangud ang ila nga grupo ang gindeklarar nga kampeon sa 12 ka nag-partisipar sa nasambit nga contest.
Sa tion sang ila nga performance, madamo gid sang tagasuporta nga nagahugyaw bangud tanyag na ang ila nga grupo sa nagakalain-lain nga bahin sang Visayas.
Nakaagom sang P50,000 ang VIOS, samtang ang 1st runner up ang Infinite Ridge kag 2nd runner up ang ATC band nga lunsay nakabaton sang P20,000.
Madumduman nga sang tinalikdan nga Masskara Festival Concierto sa Plaza nga ginpatigayon sang Bombo Radyo at Star FM sang Oktubre 15, 2025, nakuha man sang all-girls band nga VIOS ang kampeonato.
Samtang nangin madinalag-on ang ginpatigayon nga Pasigabong Showdown of the Bands 2026 sa Plazuella de Iloilo nga gindagsa gid sang mga tawo, ini ang may kaangtanan sa pista sang Senior Sto. Niño.
