Dead on arrival ang Barangay Kagawad sang Barangay Santa Rosa, sa banwa sang Murcia matapos ginluthang sang wala pa makilal-an nga persona kaina pasado alas- 10:00 sang aga.
Ang biktima ang ginkilala nga si Joernel Gawan, 59 anyos, residente sang nasambit nga lugar.
Sa interview sang Bombo Radyo kay Barangay Kagawad Nicolas Jundana, magkaupod sila nga duha ni Gawan kaina sang aga para sa clean up drive apang sang natapos na, ginhagad sini si Gawan nga mangape.
Naglisensya si Gawan nga mauna ini pauli kag ginghagad pa ini ni Jundana nga mag-upod anay sa iya apang nagpamalibad ang biktima. Nag-upod si Gawan sa isa man ka kagawad nga hinablos sini.
Nanaog si Gawan malapit sa Barangay hall, kag sang matabok na ini may isa ka lalaki nga nakabonnet kag nakahelmet ang nagsunod sa iya.
Sa una nga luthang na-igo sa too nga abaga si Gawan apang nagbalikid ini kag amo na nga ginluthang siya sa ulo.
Natumba ini sa dalan samtang ang suspek naman nagdalagan padulong sa iya mga kaupdanan nga nagahulat.
Apat ang suspek lakip ang gunman nga nagpalagyo sakay sa duha ka motrosiklo.
Samtang, nahibaloan nga sadto nakaagi man luthang si Gawan kag naigo sa kamot.
