Masobra 10 ka mga balay ang nahalitan sa sunog nga nagluntad sa Purok Masanag 1, Brgy 26, Bacolod City kapin alas-5:00 kaina sang kaagahon.
Sa interview sang Bombo Radyo Bacolod kay Punong Baragay John Mharby “Wowie” Orola, ginabanta sini 10 tubtob 15 ang nasunog nga mga balay, apang ini ang subject for confirmation pa.
Sa inisyal nga impormasyon sang Bombo News Team, ang kalayo ang gikan sa balay nga wala sang tawo, kag madasig nga naglaton sa mga katupad bangod sa naga inikit-ikit nga mga balay nga human sa light materials.
Apang tumuron pa ni Orola ang kamatuoran sa impormasyon.
Ginapakamaayo man sang Punong Barangay nga wala sang may natrap nga residente, apang aminado ini nga may pipila nga nag-angkon sang minimal nga mga paso.
Ang mga biktima ang gintipon sa Mabini Elementary School, kag gilayon man nga ginseguro nga sila ang mahatagan sang hot meals.
Temprano paman nga nag-augment sang bulig ang mga personnel gikan sa opisina ni Bacolod City Congressman Alfredo “Albee” Benitez kag kasunod man nga nag-abot ang personnel gikan sa opisina ni Bacolod City Mayor Greg Gasataya.
