Naghatag sang update si Kris Aquino nahanungod sa iya health condition kag nagalaum nga makabalik sa media paagi sa isa ka video podcast.
Sa iya social media post kahapon, ginpakigbahin niya ang iya recovery matapos ang isa ka minor medical procedure nga nagresulta sang komplikasyon sa iya baga.
Nagpasalamat si Kris sa iya mga doktor, nurse, kag iban pa nga miyembro sang medical team, subong man sa iya mga abyan kag supporters nga nagbisita sa iya.
Dugang pa, gindumdum man sini ang iya iloy nga si anay Presidente Corazon Aquino bilang inspirasyon sa iya kusog kag proteksyon sa iya medical journey.
Pahayag ni Kris nga posible siya nga magsugod sang isa ka “taped-as-live” nga video podcast kun sa diin ipadayon niya ang iya kilala nga TV show.
Ginkalipay naman ini sang iya mga fans nga nagpakita sang suporta kag pagkabilib sa iya kabaskog kag determinasyon.
